वाल्या झाला वाल्मिकी

एक होता वाल्या

होता तो दरोडेखोर

लुटायचा वाट्सरुणा

होता तो मोठा चोर

एकदा वाटेतून निघाले नारद

वाल्याला विचारला जाब..

कारे वाल्या करतो हे घोर पाप

कुठे देशील पापाचा हिशोब !

वाल्या म्हणाला एक माझा परिवार

माझे कर्तव्य त्यांचा उदरनिर्वाह

म्हणूनच करतो मी हे सारे

नाही स्वतःसाठी हा मोह

नारद म्हणाले पटते मला तुझे

तुझे कुटुंब तुझी जबाबदारी

सर्वांना विचार तु घरी जाब

घेईल का कुणी तुझ्या पापात भागीदारी ?

वाल्या गेला घरी

 सर्वांना जाब विचारी 

तुमच्यासाठी करतो मी पाप

माझ्या पापात तुम्ही करणार का भागीदारी

कुणीच नाही झाले तयार

करण्या पापाची भागीदारी

वाल्याला झाला पश्चाताप

आपलीच ही चूक सारी

सर्व सोडून गेला वाल्या

करण्या घोर तपश्चर्या अरण्या 

पश्चाताप आणि तपश्चर्या करून 

वाल्याचा बनला वाल्मिकी महान