वाजेल का घंटा शाळेची?
वाजेल का घंटा शाळेची?
कसा कोण जाणे हा
कोरोना कोठुनी आला
साखळी तोडण्यासाठी
सारा देश लोकडॉन केला ||
शाळा बंद झाल्या
ऑनलाइन शाळा सुरू
दुधाची तहान ताकावर
भागवूनी शिक्षण करू ||
डिजिटल फळ्यावर आत्ता
ऑनलाइन शाळा करू
फळा आणि खडू बोलतात
आत्ता तरी शाळा करा सुरू ||
हातातला सुटलाय पेन
सुट्ट्यांचाही वाटतोय ताप
नाही कोणाचाच धाक
झाल्यात परीक्षाही माफ ||
मनात माझ्या सदा येते
शाळेत शिजेल का खिचडी?
लक्षात तरी राहिल का
आपली इयत्ता आणि तुकडी ?||
देवा तू आता कोरोनाला
कायमचाच हाकलून दे
लवकरच आमची शाळा
पुन्हा सुरू होऊन घंटा वाजू दे----||