वादळ (युद्ध)

आले वादळ प्रेमाचे घोंगावत माझ्या दारी

अशी नात्यांची गुंफण संगे पावसाच्या सरी‌‍||१||

होती कसोटी कठीण नाही उरला आधार

माया आटली कितीही नाही घेणार उधार||२||

शब्द पेरणी मधाळ करू मनाच्या रानात

नाते रक्ताचे जपूया इवल्याशा आयुष्यात||३||

चार शब्द हो प्रेमाचे नको संपत्तीचा गर्व

आज असे हातामध्ये उद्या रिकामेच पर्व||४||

अहंकार तोडी नाते शब्द शब्दाला लागता

मोठेपणा हो मनाचा दिसे निर्मळ वागता||५||

वादळांनी तुटलेले झाले संसार उध्वस्त

रोखा वेळीच भावना नको व्हायला ते अस्त||६||