वाढदिवस

माझा आंबाडा होता सूना सूना

तोही हिरमुसला थोडा थोडा

आरश्यात पाहून मलाही वाटले

सख्याने गजरा माळायला हवा

    

इकडून तिकडे निरखून पाहीली

चेहर्‍यावर माझा रंग दिसेना

ओठांवरची लिपस्टिक डार्क होती

तरिही मला फिकीच वाटली

   

 कपाळावर टिकली चमकीची होती

तरीही आरश्यात चमकत नव्हती 

कितीदा ती बदलवून पाहीली

तरीही चेहरा चमकत नव्हता...

    

 साडी होती काठपदराची

भरजारी ब्लाऊज शोभणार वाटला

तोही आज ऊठून दिसेना

आता मलाच तयारी आवडत नव्हती 

   

 दरवाजा आडून सखा हसला

राणी किती स्वतःलाच पाहशील 

हळूच येऊन गजरा माळला

आंबाडा माझा खळखळून हसला

    

अलगद ओठ कपाळावर ठेवले

प्रतिबिंब आरश्यातून अलगद लाजले

राणी माझी आता खुलली

म्हणून त्याने जवळ घेतले

   

एका क्षणात मी शहारली

त्याच्या मिठीत बंदिस्त झाली

वाढदिवस माझा गोड झाला

आठवण आज हृदयात कोरली...