ओल्याचिंब वाटेवर

ओल्याचिंब वाटेवर 

कसा सावरू मनाला

आठवता प्रिये तुला

वेडापिसा जीव झाला

ओल्याचिंब सांजवेळी 

अंग माझे शहारले

शब्द तुझे ऐकण्यास 

मन माझे आतुरले

भावनांच्या कल्लोळात 

साजंवेळ बहरली 

तुला मिठीत घेण्यास 

बघ स्पंदने मोहरली

बहरली रातराणी

तुझ्या प्रितीचा गंध 

आसमंती बहरून 

मन होणार सुगंध 

ओल्याचिंब वाटेवर 

सहवास दे सखीचा

गंध तुझ्याच प्रेमाचा

स्पर्श अबोल प्रितीचा