उलाढाली

जीवनातील उलढालींना आहे एक वेगळेच महत्व

सगळे झटताहेत टिकवूनी ठेवण्या स्वतःच अस्तित्व

जेव्हा कळतं त्यांना आहे हे एक सुंदर मृगजळ

तोवर व्यर्थ गेलेली असते जी केली आजवर धावपळ

स्वर्ग मिळवण्या धडपडतो बनवूनी स्वतःच जीवन क्लिष्ट

नंतर कळून चुकत त्याला मानवताच होती श्रेष्ठ

असाध्य गोष्टी साध्य करण्या धावतो अविचल निरंतर

मिळवताना हे कळतच नाही कधी वाढत जाते एकमेकांतील अंतर

आपसूकच येतो दुरावा नातीही होतात जड

मनुष्य , मनुष्य राहत नाही , दानवतेची बसते घट्ट पकड

संपेल का कधी मानवा - मानवातील जीवघेणी ही ओढाताण

आहे एकच मागणी माझी नको अशी शर्यत अन् नको असे संधान