तुला वजा केल्यावर

तुला वजा केल्यावर

बाकी काही उरत नाही

आठवण तुझी येत नाही

असा दिवस जात नाही

तुला वजा केल्यावर

आनंद कशात वाटत नाही

होणारा त्रास कोणालाच 

सांगता येत नाही

तुला वजा केल्यावर

मन कशात रमत नाही

कशी करावी नवी सुरवात

खरंच काही उमगत नाही

तुला वजा केल्यावर

शब्दच तोंडातून फुटत नाही

तुझ्या गोड गप्पांची सर

दुसऱ्या कोणाला येत नाही

तुला वजा केल्यावर 

ताऱ्यांनीही साथ सोडली

प्रकाशाला दूर लोटून

अंधाराशी नाळ जोडली

तुला वजा केल्यावर 

जीवनाला अर्थ उरत नाही

राहिलेलं एकाकी आयुष्य

काही केल्या सरत नाही