तुझ्या मिठीत
तुझ्या मिठीत
तुझ्या मिठीत हरवून जावे
विसरून जावे सारे जग
तुझ्या स्पर्शाने मिटावे ताप
विरून जावी सारी धग
बघ माझ्या डोळ्यात खोलवर
तुझ्या प्रेमाची अधीर पाखरे
तुझाच लळा त्यांना अन
तुझाच त्यावर धाक रे
अशीच असावी घट्ट मिठी
आणखी वेगळे काय मागणे
तुझ्या सहवासाची ओढ मला
सवयीचे तुझे उनाड वागणे
प्रेमाचा हा खेळ आगळा
नकोच त्याला कसली भाषा
निस्सीम या देण्याला
नकोच अनाठायी आशा