लाइब्रेरी
प्रोफाइल
तिचे आकाश
तिचे आकाश
1 min
236
तिचे आकाश अनंत
तिची झेपही तुफान
तिची भरारी अंबरी
स्थळ काळाचे न भान
शक्ती अनंत हस्ताने
विधात्याने अर्पियली
विधायक कार्यांमधे
खुबीनेच वापरली
माया प्रेम वात्सल्याने
बाळे आपलिशी केली
सिंधुताई माऊलीने
दयाबुद्धी दाखविली
तिन्ही सैन्यदलांमधे
पराक्रम महिलांचा
बळ रणरागिणीचे
करी संहार शत्रूचा
तिचे आकाश नित्यचि
कर्तृत्वाने विस्तारित
यश किर्ती लाभो तिला
असे मनीषा प्रार्थित
