लाइब्रेरी
प्रोफाइल
स्वप्नफुलोरा
स्वप्नफुलोरा
1 min
252
स्वप्नकळी फुलली अंतरंगी
मोरपीसी स्पर्शाने शहारते अंगांगी
काय,दिव्य पाहते हृदय माझे
विहरते आनंदात अवकाश सप्तरंगी।
जणू राजकुमार हातात हात घेई
सफर अंतराळी करितो दोही
स्वप्नात वचन देऊन वरितो
स्मितहास्याचे अत्तर मनमोही।
मऊशार गालिचावरी पहुडले अशी
प्रीत सुखाची धावते लहर मनभर
चित्तसागरी लाटांचा गुंजारव
राजसा,साथ देशील का जन्मभर।
