तारुण्य

तारुण्याच्या शृंगाराने

दिसतेस तू देखणी ;

तुझे वर्णन करायला

अपुरी पडेल लेखणी .

        मोहक तू सुंदर

         रंग पाडी भूल ;

         कळत नाही फुलासारखी तू

         की तुझ्यासारखं फुल .

चंद्रालाही नाही इतका भाव

जो तुझ्या लावण्याला आहे ;

कसं आठवेल त्याचं नाव

डाग जर त्यावर आहे.

            गोरा गोरा रंग तुझा

            पाठीवर रेशमी वेणी डुले ;

            तुझे मनभावन तारुण्य

            पाहून माझे प्रेमकाव्य फुले.

खळी तुझ्या गालावर

ओठांवर हास्य आहे ;

वैभव तुझ्या दारावर

सुख तुझे दास्य आहे.

            डोळे भरून पाहावे वाटते

            तुझ्या रसरसीत तारुण्याला ;

           बहरत राहवो तुझी

           तारुण्याची बाग क्षणाक्षणाला.