स्वप्नभेट

माझ्या प्राणप्रिये येते

 दररोज माझ्या स्वप्नी ;

 न्याहाळते मला तिच्या 

लपविलेल्या प्रेममनी.

     स्वप्नी येऊन हसणे- रुसणे

     जणू खेळ ऊन-पावसाचा ;

      रोज स्वप्नी येणे सारा 

      खेळ हा आठवणींचा .

स्वप्नात फक्त माझ्या 

प्राणप्रिये चेच प्रतिबिंब असते 

हसून खेळून ते सारखे 

मला गोंजारत असते.

     

         तिच्या स्वप्नात विसरतो

          मी विरहाची लाही ;

          तिला मिठीत घेतल्याविना

            मला राहवतच नाही.

वार्‍यासंगे जीवनमयी

 स्वप्नांचा झोका झुलतो 

मिलनाच्या कल्पनेने

हृदयात गुलाब फुलतो.

         तिच्या मिलनाच्या कल्पनेने

          मन माझे अनावर झाले ;

         तिच्या सुखद गारव्याने 

          अंगावर शहारे आले.

 तो गारवा माझ्या प्रीतीच्या

 फुलाला हळूच सांगून गेला; 

वाट पाहत आहे तुझी 

प्राणप्रिया जा भेटावयास तिजला.