स्वप्नातले घरटे

स्वप्न सुंदर घरट्याचे 

पाहुणी फुले मन 

चार भिंती उभारण्याचे 

आहे मी केले पण

 

नकोत नुसते दारे-खिडक्या 

हात हवा सहवासाचा 

नको नुसते छत पायऱ्या 

लोभ आहे आशीर्वादाचा 

स्वप्नातले माझे घर 

दिसे गजबजलेले

सगेसोयरे लहानथोर

भरभरून किलबिललेले 

साधुनी हा घालमेल 

बसवेन घडी कुटुंबाची 

बघुनी सगळ्यांचा ताल 

कडी सांभाळेन घराची 

जोडुनी मने नात्यातून 

गुंफीन माळ संपूर्ण 

चार भिंती उभारून 

स्वप्न करेन मी पूर्ण