स्वप्नातील राजकुमार

आयुष्यात माझ्या जेव्हा तो आला

परिकथेच्या राजकुमारासम मज तो भासला

माझ्या ध्यानीमनी सदैव तोच असे

स्वप्नातही मग त्याचा भास होत असे

कधी होईल तो माझा असे नेहमीच वाटत असे

परी मनातल्या ह्या भावना मी नेहमीच लपवत असे

स्वप्नातच त्याला मग मी वरले 

सात जन्माच्या बेड्यात त्याला मी अडकवले

सुरू झाला स्वप्नांतच मग संसाराचा खेळ

जागेपणीही स्वप्न पाहण्यात सरू लागली वेळ

स्वप्नातच बांधला मी आम्हा दोघांसाठी बंगला

रोजच्या ट्रॅफिकपासून दूर वनात निवांत चांगला

होते आमच्या बंगल्याला सुंदरसे अंगण

घराभोवती शोभे सुंदर जास्वंदीचे कुंपण

अंगणातल्या त्या तुळशीला घालत असे मी पाणी

आंब्यावरती कोकीळ गात असे मंजुळ गाणी

स्वप्नातच त्याने धरला माझा हात

उघडले नेत्र जेव्हा आठवुनी स्वप्न हसले गालात