स्वप्नांची दुनिया

स्वप्नाची दुनिया आहे खूप भारी

मनातले भाव दिसतात सारी

मनातील भाव स्वप्नी उतरती

कल्पनेच्या हिंदोळ्यावर झुलती

साद घाली मना मनातील भाव

चल बघू सख्या स्वप्नातील गाव

आकाशी ढगांशी करू म्हणे दोस्ती

लपाछपी खेळू म्हणे करू मस्ती

आकाशीचा चंद्र खुणावतो मला

तारका समवेत खेळू म्हणाला

अलगद उडाले पंख लावूनी 

कवेत घेतले जवळ येऊनी

प्रेम तुझे माझे स्वप्नातच भासे

वास्तवाचे भान मात्र मला नसे