स्वप्नामधलं रूप

सख्या रे रंगात तुझ्या रंगले मी

तुझ्या मन ह्रदयाशी जुळले मी 

कशी आज स्वत:शीच हरले मी 

धूंदप्रेमात कशी अडकले मी 

स्वप्नामधलं रूप करतय मला बावरी  

अहो राया सांगा जगू कशी मी या जगी....

अरुनोदयात ही लाली भरली

घेईल भरारी ह्रदय आकाशी

कुंजन करीतसे मंजुळ पक्षी

होतसे प्रेमात मी वेडी बावरी...

हिंदोळ्यावर झुले माझा ,देह कदंबाखाली..

अहो राया सांगा जगू कशी मी या जगी....

मोहोराने वृक्षच बहरलेला

पाडावरती आंबा तरी पिकला

कोकीळेची कुहूकुहू माझ्या कानी

व्याकुळ भाव ही मनी शहारला....

सावरू कशी मी आता, तुम्हीच आता सांगा 

अहो राया सांगा जगू कशी मी या जगी....