स्वच्छतेचे महत्व

चला करूया स्वच्छता तना-मनाची,

कमी न पडणार आरोग्य धनाची |

ठेवूया आपला परिसर योग्य,

नांदेल तेथे निरोगी आरोग्य ||

करण्या मनाची स्वच्छता हाती घेवूया लेखणी,

परिसर स्वच्छ करण्या हाती शोभते झाडणी |

भारतीय संस्कृतीत असे मनी विश्वास,

स्वच्छता असे तिथे लक्ष्मीचा निवास ||

हिरव्या शालूने नटलेली पृथ्वी दिसे भारी,

अस्वच्छतेची आज पसरे दुर्गंधी सारी |

स्वच्छता जीवनाचा कोनशिला,

त्याचा पाईक आज कोठे गेला ?

स्वच्छतेची मोहीम घेवूया हाती,

नाही होणार आयुष्याची माती |

प्रत्येक कचऱ्याचे करावे वर्गीकरण,

सजीव सृष्टीचे करूया जतन, संवर्धन ||