स्वातंत्र्याची देवी

मी स्वातंत्र्याची देवी 

मीच विनविते तुुम्हाला 

मुक्त करा मज या पाशातून

स्वातंत्र्य माझे द्या मला

घडतो येथे रोज बलात्कार 

पुसला जातो मानवतेस काळीमा

इथे माणसानेच माणसाची 

बिघडवली आहे प्रतिमा 

दिवसाढवळ्या होतात हल्ले

पोळले जातात चेहरे  

हिरकणीच्या सुद्धा मनात  

मग भरून येते कापरे 

कसले स्वातंत्र्य उपभोगावे

जेव्हा घरातील माय खाते मार

दारूच्या नशेत होतात जेव्हा 

सपासप तिच्यावर वार

 आमची संस्कृती सांगते 

स्त्रियांचा करावा आदर 

बुरसटलेल्या विचारांची

सरकवेल का कुणी चादर