लाइब्रेरी
प्रोफाइल
स्वाभिमान
स्वाभिमान
1 min
1.0K
निर्माण केले स्वराज्य
जपला बाणा स्वाभिमानी
शिवबा आमचे राजे
आम्ही एकनिष्ठ,एक बाणी
सह्याद्रीची गिरी शिखरे
साक्षी पराक्रमाला
स्वाभिमान जपण्यासाठी
बाजी,तानाजी झुंजला।
स्वत्वहिनता नाही ठाऊक
राणी लक्ष्मी,अहिल्येला
रक्षण धर्माचे करण्याला
जिजाऊने शिवराय घडविला।
परस्त्री मातेसमान
तत्व राजांचे एक
आम्ही मानतो स्त्रीस
माता ,भगिनी वृत्ती नेक।
पुरोगामी महाराष्ट्राला
वारसा वीरपुत्रांचा
संत पंरपरेचा पगडा
ध्यास सहिष्णूतेचा।
राष्ट्रप्रेम सळाळते नसांत
अभिमानाने फुलते छाती
प्रियतम महान संस्कृती
तिलोत्तम भाळी माती।
