सुरेल साथ

मंदिराच्या गाभाऱ्यात ,

मंद तेवत एक वात होती,

मंद मंद प्रकाशाची,

जणु सुरेल साथ होती...

पवित्र त्या वातावरणात,

शांत चित्ताने ऐका,

ऐकु येईल संगीताची धुन ,

जी अंतरंगात गात होती ...

मन मंदिराच्या प्रवेशद्वारी ,

तिची होता भेट ,

जणु झंकारून विणा,

सप्तसुर गात होती...

दाटले आभाळात पाणी,

सरींची झाली रिमझीम,

बरसता काळ्या मातीत,

गोड ताल धरत होती ...

चराचरांत संगीत ,

मन असो की तन,

एकजीव होऊन ,

विसरून स्वतःला जात होती...