स्त्री

ती मला प्रेरित करेल 

असं चुकूनही वाटलं नव्हतं 

पुरुष अहंकारामुळे कदाचित 

उशीरा लक्षात येतं 

हरेक अडचणीवर तिच्याकडे 

मात करण्याची कला दिसली 

फिस कशी भरायची बाळाची 

हे विचारल्यावर हाती हात देऊन हसली 

सहनशील जास्त बाई असते 

हे तिला पाहिल्यावर कळलं 

संसार कसा बसा भागताना 

तिनं कुरबुरी करायचं टाळलं

अहंकार पुरूषी माझा 

पुरता मी मारुन टाकला 

तिच्या हुशारीमुळे कदाचित 

आजवर संसार टिकला 

ती कायम प्रेरित करत आली 

आई , बहिण, बायको रूपात 

म्हणून तर जगतोय केवळ 

तिच्या प्रेरणेने सुखात