बाबा

बापाच्या निर्विकार डोळ्यातून 

टचकन पाणी येते अन् 

जीवाच्या तुकड्याला कुणीतरी 

वाजत गाजत घेऊन जातं .

सगळ्याच संकटातून छकोलीस 

सोडवणारा बापाचा नाविलाज होतो 

कंठ दाटलेल्या बापाचा 

बेसुर रडण्याचा आवाज येतो .

बिदाई हा नकोसा क्षण 

घेऊन येतं लग्न 

चालू होतं पोरीचं 

नवा संसार अनोळखीत जगणं

सामसुम होते पोरगी जाते 

बापाला गोळीची आठवण येते 

सवयीची साद पोरीस तो घालतो 

पाण्याचा समुद्र गाली आणून तिच्या फोटॊसंगे बोलतो ...