स्त्री जन्मा तुझी कहाणी

आरशात काय बघतेस तू

स्वतःलाच काय निहारतेस तू

कोण बघणार तुला

दिवसभर कामात गुंतलेली असतेस तू

कधी केस विखरलेले

कधी कपडे चुरघडलेले

सगळ्यांच करता करता

स्वतःलाच विसरतेस तू

देहभान विसरुनी

घरासाठी राबतेस तू

तहान भूक विसरुनी

दुसऱ्यांची पोट भरतेस तू

संसारासाठी राबत जातेस

“संसार सुरळीत ठेवण्यासाठी हेच करावं लागतं”

हा उपदेश सर्वांना देतेस 

स्त्री जन्मा तुझी हीच कहाणी

स्त्री जन्मा तुझी हीच कहाणी