स्त्री जन्मा तुझी कहाणी
स्त्री जन्मा तुझी कहाणी
आज जाहला जन्म आपला
भाव मनातील अर्पण्यासाठी
प्रेम आंतरिक बरसत राहू
असो नसो कोणी आपल्या पाठी||
रुप गोजिरे पाहुनी आपले
डोळ्यांमधले भाव बोलती
नितळ कांती पाहता क्षणी
देहावरुनी नजरा फिरती ||
या साऱ्यातून करत राहू या
बचाव आपल्या शालीनतेचा
कणखर बनुनी शिळेप्रमाणे
मनात फुटूदे पाझर मातेचा ||
कष्ट करणे आपल्या नशिबी
तारेवरची होते कसरत
जरी असला पुरूष बिनकामी
बसतो स्वतःचा अहंकार जपत ||
वंश वाढवून आपण घेतो
माता बनुनी पुनर्जन्म
कर्तृृत्व मात्र उजळत राहते
पुरुषी पित्याचे भोवती आजन्म ||
आता देऊ तोंड अन्यायाला
बदलू आपली विचारसरणी
देत घोषणा पसरवू भोवती
स्त्री जन्मा तुझी कहाणी||