खेळ दैवाचा
खेळ दैवाचा
1 min
403
अशा सांज वेळी
का ग डोळ्या तुझ्या पाणी
का पाहतेस वाट
नाही येणार आज कोणी ||
नको पाहूस अशी स्वप्ने
ज्याला नाही काळ वेळ
नशिबानेच सारे मिळते
हा दैवाचाच सारा खेळ ||
दुःखातच मान तु सुख
सुखातच दुःख थोडेसे
उशिरा का होईना कळले
प्रेमाचे स्पर्श काहीसे ||
ओसंडून वाहूदे ओंजळ
एवढे प्रेम कर अर्पण
त्यालाही कधीतरी होउदे
तुझ्यासाठी स्वतःला दर्पण ||
होत असेल जीव त्याचाही
कधीतरी थोडा कासाविस
त्यालाही असेल वाटत
तु त्याच्या जवळ असाविस ||
येईल तुला भेटाया
एवढा ठेव विश्वास
कर्तव्यात असेल अडकला
तरीही त्याचा तुच श्वास ||