मैत्री

पहिल्यापासून आवडत होती

एक बाहुली शाळेमधली

कधी न उघडली कवाडे मी

भावनांची हृदयामधली ||

काळ लोटला वर्ष लोटली

पुन्हा आली समोर मैत्री

भेटीनंतर भासू लागले

कशा सरतील पुढील रात्री ||

वाढू लागल्या भेटी गाठी

कधी अचानक कधी ठरवून

मैत्रीला त्या ठेच न लागो

टाका पाऊले जरा जपून ||

दु:ख आपली विसरून जातो

‎मित्रांसोबत कटींग चहाने

शोधत राहतो रोजच आपण

‎भेटण्यासाठी असंख्य बहाणे ||

आस लागते पुढील भेटीची

आहे तो वेळही पडतो कमी

हसणे गप्पा संपत नाहीत

तेव्हा येते व्हॉट्सॲप कामी ||