संसार

अरे संसार संसार 

नाही यात रे विसावा 

घडीभर थकूनही 

चालताना रे दिसावा.....

पहाटेचा सडा अन

नक्षीदार हो रांगोळी 

घरामध्ये आनंदाने 

नांदतात हो सगळी...

शिवारात धन्याला ही 

न्याहारीची होई घाई

नाही गेली वेळेवर 

तर रुसतो गं बाई.....

धनी माझा रानामंदी

पहा राबे दिनरात 

संसाराच्या वेलीवर 

सदा देईन मी साथ....

गाडा हाकण्या संसारी 

हवे दोन जोडी चाक 

खाऊ चटणी भाकरी 

कुणा नाही मागू भीक....

सुख दुखःचा परडा 

हिंमतीने हो सांभाळू 

करू संसार सुखाचा 

नातं दोघांचं मायाळू.....