लाइब्रेरी
प्रोफाइल
सण_संक्रांत
सण_संक्रांत
1 min
164
नववर्षाच्या प्रारंभी
सण आला संक्रांतीचा
खमंग तीळगुळाची पोळी
तर कुठे थाट पुरणाचा. १.
सुगड पुजूनी सुवासिनी
देती दान सौभाग्याचे
घर धान्याने भरो सदा
अक्षय वाण घटाचे २.
रंग काळा शकुनाचा
पैठणीवर मोर शोभतो
दागिन्यांनी हलव्याच्या
थाट नववधूचा होतो. ३.
नवबाळाची हौस वेगळी
बोरन्हाण घालुनी करती
जमती सारे गोपमंडळी
खाऊसाठी वाद घालती. ४.
पतंग महोत्सव अटीतटीचा
रंगुनी जाते काटा-काटी
आबालवृद्ध रमुनी जाती
आकाशी पतंगांची दाटी. ५.
तिळगुळ घ्या गोड बोला
स्निग्धता अन् स्नेहाचा
विसरुनी सारे वैरभाव
आपुलकी अन प्रेमाचा. ६.
