ଲାଇବ୍ରେରୀ
ପ୍ରୋଫାଇଲ୍
फक्त तुझी साथ हवी
फक्त तुझी साथ हवी
1 min
200
येउ दे रात्र काळोखी
नसे भीती तिमिराची
दूर करू वादळांना
चालू वाट क्षितिजाची. १.
इच्छाशक्ती दुर्दम्य ती
बळ आणू पंखातले
तुझा आधार भक्कम
स्वप्न पूर्ण मनातले. २.
फक्त तुझी साथ हवी
संकटांना झेलीन मी
अंधारात उजेडाचा
मार्ग नवा शोधीन मी. ३.
मळा फुलवू आनंदी
वाट खडतर जरी
पुष्प वाटिका सुगंधी
विश्वासाची साथ खरी. ४.
श्वास तुझा होईन मी
खाऊ घास घासातला
वचनाची सप्तपदी
जपू भाव बंंधातला. ५.
