सन्मान नारींचा
सन्मान नारींचा
थोर जिजाबाई आदर्श माता
केलें संस्कार बालशिवबांवर
घेत वसा स्वराज्यस्थापनेचा
घडविले पुत्रालाच रणधुरंधर
जपुन तिने पोरक्या संभाजीला
ओळखला स्वकीयांचाच कावा
पित्यापाठी दिले शस्त्रप्रशिक्षण
घडविला महाराष्ट्रासाठी छावा
दुधवाली रायगडीची हिरकणी
ममतेपोटी बनली रणरागिणी
किर्रर्र रात्रीचा टकमक कडा
उतरली धैर्याने ती बावनखणी
हसूनी खेळूनी नारी कुटुंबात
दुःखे गिळतेच आतल्या आत
दुसऱ्यांसाठी झिजे चंदनापरी
महत्वाकांक्षाही तिच्या उरांत
क्षणांची पत्नी जीवनभर माता
आजी बहीण नात्याने वहिनी
नानारूपात फिरते समाजांत
हर स्त्रीची निराळीच कहाणी
करूया सलाम नारीशक्तीला
उचलू वाटा समाजप्रबोधनाचा
मुलगा मुलगी नसावा भेदभाव
पिटू डंका लेकीच्या सन्मानाचा