सखा पुस्तक

पुस्तक असे सखा

मार्गदर्शक जीवनाचा

ज्ञानामृताने होई तृप्त

लागेल ध्यास ज्याला याचा

 पानोपानी शब्द खजिना

 पुस्तक ज्ञानाचे विपुल भांडार

 कधी दुःखावर घाली फुंकर

 देई भरकटलेल्यासी आधार

 बनता दास पुस्तकांचा

 मिळे शब्द संपत्ती तयास

 तारेल आयुष्य तयाचे

 समर्पण करील जो पुस्तकास

 प्रबोधन,मनोरंजन करत

 मुके शब्द ठाव मनाचा घेती

 समरस होता शब्दांमध्ये

 कल्पनेच्या जगतात नेती

 जडता व्यासंग पुस्तकाचा

 विकासाचा मार्ग सापडे

 आत्मिक समाधान लाभते

 ज्ञानकुबेरावर ज्याचा जीव जडे 

होऊन वाटाड्या वाचकांचा

 अज्ञानातून ज्ञानाकडे नेई

 मनोभावे वाचणाऱ्याचा 

 खरा सखा सोबती होई