अंत

व्हावा आता अंत

ही अंतरमनी आस

जीवनाच्या कसोटीत

देवा कर आता नापास 

जीवघेण्या परीक्षा

कित्येकदा घेशील 

नापासचा शेरा माथी

कित्येकदा मारशील

प्रयत्न केले,केले कष्ट

शिण नाही नि थकवा

यश पदरात टाकताना 

देतोस मला तू चकवा

सांग ना रे असे कसे

भाग्य माझे नाराज

फुलापरी आयुष्यात

कट्यांचा आहे साज

झगडले नियतीशी

कोसलेही कित्येकदा

दुःख फिदा माझ्यावर

तर सुख रुसते सदा

दुरूनच सुख माझे

मला हसतसे नेहमी

झोळी तुझी फाटकीच 

म्हणे,सांग कसा येऊ मी

बहाणा जगण्याचा हा 

का म्हणून करावायचा

अश्रू आलेला डोळ्यात

नेहमीच का लपवायचा

घेऊन माझी माघार

मी जीवनापुढे झुकते 

कर मोकळा श्वास

एवढी विनंती करते

खरा खोटा कोण

मुखवटे इथे अनेक

बेडगी दुनियात या 

जों तो म्हणे मीच नेक