पाळी स्त्रित्वाची

 

निसर्गनिर्मित स्त्री रचना

अद्भुत अशी किमयागारी

पाळी मुळेच जीवनिर्मिती

उपकार तिचे आपल्यावरी

पाळी मुळे लाभे स्त्रीत्व 

पाळीमुळे पदरी ममत्व

पाळी मूळे वाढ वंशवेल

पाळी मुळे जीवनी पितृत्व 

विटाळ म्हणून दूर लोटता

पाळीला का नावं ठेवता 

निसर्गचक्राच्या नियमाला 

लाजिरवाणे का समजता

आई मुलगी पत्नी-स्त्री 

प्रत्येकीला लाभले दान

समजून घ्या तिची वेदना 

पाळीला नका समजू घाण

शुभकार्य असो वा दुःखदारी 

नका वाळीत टाकू पाळीला 

समजून घ्यावे माणूस म्हणून 

अनिष्ट रूढी टांगा वेशीला