श्वास

काढ ना कर गळयातूनी 

कर मोकळी ती कुंतले

किती आठवांचे केवड़े

श्वासात तुझिया गुंतले

काढ वेडे शृंगार सारा

तव देह ज्याने व्यापिला

झिडकारूनी ही बंधने

घेई श्वास थोडा मोकळा

चांदण्यांची ही रात्र माझी

अन् बांधलेला हा जुड़ा

हा मोगराही वेडावला

बघ टोचतो ना आकडा?

घोर ह्या हिरव्या चुड्याचा

अन ही टोचणारी जोडवी

बांधलेले बाजुबंद का?

 गाईशी तयांची गोडवी

ही पौर्णीमेची रात्र आणि

शुभ्र चांदणे त्यांच्यासवे

 दोन्ही व्याकुळलेली मने

आणि सांगाती काय हवे?

मोकळी दोन्ही मने ग

अन् मोकळी दोन्ही तने

ह्या दो जिवांच्या मिलनानी

प्रसवत्तील मधु चांदणे