शिल्पकार मी च माझ्या कर्माचा

शिल्पकार मी च माझ्या कर्माचा

नैराश्याची गडद छाया,

भोवताली पसरली माझ्या!

कर्माचे,ओझे बांधुनी नेती,

आत्म्यांस, जखडुनी माझ्या!! 1

जीवनाची, लालसा अजुनी,

बाकी,ह्रदयांत माझ्या!

नको म्हणते, तरी ओढते,

ती परी,आत्म्यांस माझ्या!! 2

वाटेकरी , सारेच इथले,

फक्त,सुखाचेच जगती!

एकटाच, माणुस येतो जन्माला,

अन, एकटेच, जग सोडुनी जाती!! 3

देह मानवाचा, हा दैवाने,

मिळाला ,होता मजला!

व्यसनापरि, बरबाद झालो,

घात,आयुष्याचा  झाला!! 4

कशाला, नेतेस,आत्म्यांस माझ्या,

एकटा, सडायला मजला!

बघ, आकाशी काळे मेघ, दाटले,

उशीर नाही, आता सुगीला!! 5

दुष्काळाने, हिरावले माझे सुख,

गेलो, व्यसनांच्या आहारी !

उशीर झाला, हाती काही न उरले,

भोगतो,जीवनाची लाचारी !! 6

मोह जागला, माझ्या मनी,

होतो,पश्चाताप कृत्यांचा !

संयम,धैर्य,मनावरी,जर ठेवला असता,

शिल्पकार, मी च माझ्या कर्मांचा!! 7