शिक्षणाची ज्ञानगंगा
शिक्षणाची ज्ञानगंगा
आठवते मजला मनापासून
माझी आवडती शाळा
ते गुरूजन, पांढरा खडू अन्
तो फळा काळा..| |ध्रृ.प.| |
शाळा माझी होती राष्ट्रीय
कन्या शाळा तिचे नाव
शिकले माहेरी गावी होते
नाव ज्या चाळीसगाव
न करी भेदभाव गोरा
असो किंवा काळा..| |१| |
नव्हता भेद केला जात हुशार अन्
मठ्ठ विद्यार्थ्यांत
प्रत्येकाला मिळायची संधी ज्याचे
प्राविण्य असे ज्यात
महत्त्व ना धर्मजातीचे ध्यास
बेबंद शाहीस घालणे आळा ... | | २| |
शिस्तबद्ध पद्धतीने चालत असे
सारे कामकाज
विद्यार्थ्यांनाच दिले जाई
महत्व चढवती सरताज
तिच्या प्रसिद्धीसह विद्यार्थ्यांच्या
गळ्यांत पडे यशोमाळा ..| |३ | |
माझी शाळा होती खरी
शिक्षणाची ज्ञानगंगा
अजूनही आठवते मजला
आम्ही केलेली मस्ती दंगा
गणतंत्र स्वातंत्र्य दिनी असे
कार्यक्रमा़ंचा योग्य ताळा .. | |४| |
सांस्कृतिक कार्यक्रम,तज्ञांची
भाषणं ऐकण्याची संधी
असभ्य वर्तणूक,भांडणांवरं
मात्र शाळेत होती बंदी
भास होतो मला पेपरलेखनाचा
अजूनही स्वप्नातला चाळा..| |५| |