प्रेम सप्ताह

फेब्रुवारी महिना आला

अन् प्रेम सप्ताह ही सुरू झाला

आयुष्यात आहेत अपयशाचे काटे

त्यात तिला गुलाब कसे द्यावे 

तिच्या होकारासाठी धावत राहिलो तिच्या मागे

तर विसरून जाईन आता मी कुठं आहे

मेसचं बेचव जेवण खाऊन काढतोय मीच माझे दिवस

त्यात तिला महागडं चॉकलेट घेऊन देणार कसं

जी तिच्या नजरेनेच खेळवते मला

तिला बावल्याची गरज कशाला 

कशाची वचने, सारे काही तिला वाटे गंमत 

कधीतरी कळू दे तिलाही माझ्या भावनांची किंमत 

नकोय कसली गळाभेट अन् स्पर्श कशाचा

हवाय फक्त तिच्या नजरेने होकाराचा इशारा 

वाटेत येता जाता होणारी भेट आपली

आहे तीच माझ्या खिशाला परवडणारी

जिम्मेदारी व परीक्षेमुळे भावनांना घेतलं आवरून 

प्रेम सप्ताह अभ्यासात व्यस्त राहून गेलाय कोमेजुन