शीर्षक :देव माझा आई

देव माझा आहे आई 

नयनी तिचे रूप पाही 

उणीव नसे मायेला 

कोमल छत्र छायेला... 1

पोटाला चिमटा घेऊनि 

रात्र दिवस कष्टकरी 

घाम गाळी देई घास बाळास

तिच्या श्रमाचे बहू वाटेकरी... 2

अनवाणी चालुनी 

पायी रुतवले काटे 

जबाबदारी पेललीस मोठी 

भरोनि अश्रूंचा कंठ दाटे.... 3

फाटकी साडी जुनी 

शिवले आशेचे धागे 

संसारी भासे उणीव जरी 

कर्मास सोडिले मागे.....4

उपमा देण्या शब्द अपुरे 

संकटे येता खंबीर उभी 

खेळ जीवनाचा उदरी 

शोभून दिसें मातेची छबी..