शेगाविचा राणा
शेगाविचा राणा
शेगाविचा राणा । जय गजानना
रूप तुझे मना । आठवले ।।१।।
साक्षात तू देव । मनाताहे माझ्या
चरणी मी तुझ्या । आली देवा ।।२।।
तुझी हिच कृपा । राहो आम्हांवर
भक्ती तुझ्यावर । अशी राहो ।।३।।
मन माझे आहे । तुझ्यात माऊली
अशीच सावली । दे आम्हांस ।।४।।
तुच आहे स्वामी । तुच आहे साई
तुच माझी आई । गजानना ।।५।।
तुझ्या चरणास । फुल मी वाहते
माथा टेकविते । तुझ्या ठायी ।।६ ।।
तारीते दु:खास । तुच गजानना
आस लागे मना । भेटण्याची ।।७।।
तुझे रूप माझ्या । नजरेत असो
तुच मला दिसो । सदोदीत ।।८।।