संत ज्ञानेश्वर

संत ज्ञानेश्वर । निवृत्ती सोपान

भावंडे लहान । मुक्ताबाई।।१।।

माय बाप त्यांचे । संपले देहांत

लाभला एकांत । लेकरांना।।२।।

टाकले वाळीत । तोडले संबंध

प्रेमभाव गंध । संपलेला।।३।।

ज्ञानेश्वरी ग्रंथ । ज्ञानोबा माऊली

सर्वांची सावली । ठरलासी।।४।।

साऱ्या जीवांसाठी । हे पसायदान

असे विश्वभान । शब्दोशब्दी।।५।।

आध्यात्मिक संत । अनेक अभंग

वारकरी दंग । असायचे।।६।।

हरिपाठ त्यांचे । आहे खूप छान

ऐका सर्वजण । आवडीने।।७।।