. शब्द माझे सोबती

शब्द माझे सोबती

मनात माझ्या राहती

ओठातून कंठ दाटून

विचार वेगळे निघती//1//

शब्दाची गोडी लागली

ह्रदयात सामावुन रुतली

शब्दाविना बरेच काही

प्रयत्नात सांगून गेली//2//

अक्षरांना वळण लाभले

शब्द उमटले ध्यानीमनी

कालांतराने शब्द माझे

येती ओठातून परतुनी//3//

शब्द अपुरे पडतील

उजळणी सोबत राहून

प्रकट झालेले विचार

माझ्या लेखणीतून मांडून//4//

एकांत वाटतो तेवढा

वेळच लागतो शब्दाला

सोबत कुणी असलं

विचार लाभले मनाला//5//

दुरवर कुठेतरी हरवून

गेलो सोबत नसताना 

शब्दाची ताकद कळली

सोबतची जोड असताना//6//