शान तिरंग्याची ....

मोल बलिदानाचे त्यांच्या ठेवूनी मनी ,                   

चला आता स्वाभिमानाने जगू या                      

उंच नभी तिरंगा फडकताना पाहूया ॥ध्रुव ॥

स्वातंत्र्यासाठी लढले जे प्राणपणाने ,                    

सार्थक त्यांच्या बलिदानाचे करू या ।                  

 लढता लढता ज्यांना वीरमरण आले ,                   

स्फुल्लिंग त्यांचे हृदयस्थानी कोरू या ॥ १ ॥

चहूबाजूने प्रयत्न आक्रमण देशावर,                     

हाणून पाडल्या चीन पाकच्या कारवाया ।                 

घुसखोर कोरोना महामारी समूळ संपवण्या               

चला साथ सरकारी यंत्रणेस देऊ या ॥ २ ॥

कसा साहू, अंतस्थ पोखरला देश आता,                  

हवे आता देशद्रोही राजकारण संपवाया ।                

सोडू मतभेद सारे ,एकसंध भारत घडवाया ,              

समतेचा मंत्र आता चला अंगी बानू या ॥ ३ ॥

वेळ आता कोण सच्चा कोण लफंगा,                  

 सद् विवेके त्या जाणून आता घेऊ या ।                 

बोलणे एक कृती एक, कृत्ये काळी भ्रष्टाचारी ,             

मूठमाती त्या राजकारण्यांना देऊ या ॥ ४ ॥

निस्वार्थ सेवा,स्वप्न मनी अखंड देशाचे ,                

चला एकजुट पाठिशी उभे त्यांच्या राहू या ।             

जरब मोठी या देशाची सकल जगावर ,                  

अभिमान आम्हा, तिरंगा गगनी चढवू या ॥ ५ ॥