शाळा
शाळा
1 min
660
(चाल- छोटेसे बहिण भाऊ)
अभ्यासाचा लळा लावी
अशी आहे शाळा बाई
सुंदर जीवनाला,सुंदर मनाला
नवीन आकार देई
अशी आहे शाळा बाई...||धृ||
शिकवी नाना अक्षरं
करते मज साक्षर
वाचन,लेखन,व्यवहार ज्ञान
सा-याच गोष्टी शिकवी
अशी आहे शाळा बाई...||१||
नव्या नव्या मित्रांची भेट
मैत्रीचा धागा जुळे थेट
प्रेमळ शिक्षक,मुलांचे रक्षक
आनंद देई अन् घेई
अशी आहे शाळा बाई...||२||
प्रेमाने एकत्र शिकू
थोरांचा आदर राखू
उज्वल कीर्तीचे,पाईक राष्ट्राचे
शिल्पकार जणू घडवी
अशी आहे शाळा बाई...||३||