लाइब्रेरी
प्रोफाइल
साथ तुझी हवी प्रिये
साथ तुझी हवी प्रिये
1 min
402
जीवनाच्या संधिकाली
लागे भास्कर अस्ताला
बोल अंतर्मनातले
हवे आता बोलायला
आयुष्याचा लेखाजोखा
आता विसरुन जाऊ
साथ तुझी घट्ट हवी
जग नव्याने न्याहाळू
रहाटगाडगे नको
संसाराचे अधेमधे
मनामनातील नाते
उमलावे शब्दांमधे
हास्यघन विहरावे
झरा अक्षय सुखाचा
वेळ पळे द्रुतगती
सखे बोल अंतरीचा
प्रीत दुनियेत रमू
संगतीत धुंद हवा
गंधाळेल प्रीत नवी
हात तुझा हाती हवा
