सांग ना दर्पणा
सांग ना दर्पणा
भाव अनामिक ओढ मनास ती
सदा कानी बोल असे का सोबती
सांग ना दर्पणा कोण ती नजर
भावे तुला अशी की भुलतो भ्रमर
मन तया संगती भासते जगा वेगळे
दर्पणातही रुप हे दावते का आगळे
विश्वास तो ऐहिक मनाचा घेता ताबा
हसरे भाव खुलता जगण्यास शोभा
आरसा हा दावतो निखळ सत्य सदा
परी ना दावता येते अंतरीची ती अदा
अंतर्मनाचे सौदर्य दावतो जो सारा
तोच आत्मिक विश्वासाचा आरसा खरा