लाइब्रेरी
प्रोफाइल
साजणी
साजणी
1 min
187
भावनांचा कोंडमारा फार झाला साजणी
वेदनांचा काळजाला भार झाला साजणी
मोगरा केसात ओल्या माळला आहे कुणी
काळजावर या सुगंधी वार झाला साजणी
दीप वंशाला हवा हा ध्यास होता अंतरी
मारली कन्या कसा अंधार झाला साजणी
शासनाच्या योजनांचा बोलबाला चालला
आजचा माणूस हा लाचार झाला साजणी
एक साधासा विषाणू माणसाला मारतो
त्रासला माणूस अन् बेजार झाला साजणी
