रुप पाहता लोचनी

रुप पाहता लोचनी

हर्ष दाटतो गं मनी

निर्व्याज गं तुझे मन

भावपूर्ण ते लोचन

रुप तुझे नयनी येता

आठवांची उधळण

गोड गुलाबी फुलांची

मनी रंगीत पखरण

रुप येतसा चक्षूत

मन अंतराळी जाये

फिरुनिया परि ते

तव हृदयात वसे

रुप नयनकमळी

मना येई अथांगता

प्रेमदर्या उसळता

प्रीत उभोरुनी येता

रुप तुझे गं सखी

मम मनी ये सारखे

काय करु सांग प्रिये!!

वेड तुझे लोचनाते

करी बंद मी लोचन

तरी तुझे आगमन

मन्मनी तुझे गं सखे

स्वामिनीचे आहे स्थान!!