लाइब्रेरी
प्रोफाइल
ऋतू प्रेमाचा
ऋतू प्रेमाचा
तुझ्या एका कटाक्षाने
ऋतू प्रेमाचा सजतो
मन पाखरू अंतरी
चिंब हर्षात भिजतो
सूर छेडिता मधुर
गोड लाजते पापणी
गाली मोहरून येई
प्रीत स्पर्शाची दाटणी
प्रेम गीत तुझे गाते
हातातले हे कंगण
वाट तुझीच शोधते
पायातले रे पैंजण
जीवनात जगण्याचा
अर्थ नव्याने कळतो
स्तब्ध भाव उरातला
दूर वेगाने पळतो
रोमरोमी अनामिक
ओढ जाणवे अवीट
एक जाहल्या श्वासास
लागू नये कधी दीट
मोरपंखी जाणिवांची
वाटे दरवळ न्यारी
पायघडी काळजीची
भासे स्वर्गाहून प्यारी
सामजंस्य विश्वासाचा
धागा रेशमी नात्यात
साठवण सृजनाची
प्रीत स्मरण खात्यात
