रस्ता

आयुष्याच्या वाटेवरचा 

कठीण असतो रस्ता , 

होण्यासाठी यशस्वी 

खाव्या लागतात खस्ता !!

खुप प्रयत्न करूनही 

कधीकधी यश मिळत नसतं , 

अन त्यामुळेचं मग मन 

हताश होऊन बसतं !!

अपयशामुळे स्वतःला कधी 

त्रास करून घ्यायचा नाही , 

संकटाना नेहमी तोंड द्यायचं 

पाठ फिरवून जायचं नाही !!

एक दिवस नक्कीच येईल 

जो यशापर्यंत घेऊन जाईल , 

केलेल्या कष्टाचं अचानक 

इच्छित फळ देऊन जाईल !!

आयुष्यात आलेल्या संकटांना 

सांगायचं छाती ठोकून , 

द्या किती त्रास द्यायचा आहे 

मी पण आहे नजर रोखून !!

आज नसेल जरी माझा दिवस 

तरी एक दिवस नक्कीच असेल , 

त्या दिवशी मी संकटांनो 

तुमचा खूप ऋणी असेल !!