रंग
रंग
रंगात मी न्हाहले
गन्धात मी भिजले
कधी कुठला रंग मिसळला
कळले नाही मला श्रीरंगा
चित्रात मी भरले रंग
जीवन माझे रंगून गेले
स्वत:चे अस्तिव विसरले
एकरूप रंगाने झाले
रंग गंध सोबत घेऊन
नवी चौकट मी मांडते
जगाचे माझ्या चित्र मी
मनात मी साकारते
आकार देते जीवनाला
काळजी मी घेते इतरांची
स्वतःच देते रंग मनाला
स्वभाव पेटी रंगांची
पाण्यासारखे मी रंगून
माझे अस्तिव विसरते
जेथे जाते तेथे मात्र
रंगात रंगून मी जाते
सारे चित्र माझ्या मनीचे
शब्दात मी मांडते
अलगूज साऱ्या अंतरीचे
रंगात रंगून मी जाते
रंग प्रेमाचा गहिरा कसा
मी रंगून पार करते
सात रंग जीवनी जसा
रंगात रंगून मी जाते